Equest Pramox® vet, effektivt antiparasittmiddel til hest

Equest Pramox vet. inneheld moksidektin og prazikvantel som virkestoff. Moksidektin er eit 2.generasjons makrosyklisk lakton i milbemycingruppa. Moksidektin har effekt mot dei fleste rundormar og bremselarvar. Samanlikna med andre anthelmintika, har moksidektin lengst periode etter behandling der ein ikkje kan påvisa egg i avføringa på det behandla dyret. Denne perioden er på 90 dagar og oppover. Moksidektin er også det einaste anthelmitikum som i standard dosering (ein normaldose) virkar på små strongylider (cyathostominar) i tarmveggen. Dette gjeld både L4-larvar i utvikling og hypobiotiske L3-larvar. Cyathostomin-larvar reknast som den største årsaka til parasittær diaré hjå hest. Vanlegast ser ein dette ved seinvinter/vår når mengder av hypobiotiske larvar samstundes vaknar til live og arbeidar seg ut av tarmveggen med store sårdanningar som resultat. Vanlegvis utgjer cyathostomin-egga 95 % av alle strongylideegg i avføringa frå hest. Seinhaustes reknar ein at så mange som 85% av larvane i tarmveggen går inn i eit hypobiotisk stadium.

Prazikvantel virkar mot bendelorm.  Her til lands er det ikkje uvanleg å alternera antiparasittmiddel til hest for å unngå resistensutvikling. Ved å nytta Equest Pramox vet. som eit av alternativa ein gong i året, vil ein på ein god måte utnytta dei føremuna Equest Pramox vet. har. Dersom ein legg behandlinga til vinterhalvåret, oppnår ein ta nematoder i tarmlumen samstundes som ein tek dei fleste L4 og hypobiotiske L3 i tarmveggen. Dermed er smittepresset på beitet om våren redusert i stor grad. I tillegg får ein teke bendelorm og bremselarvar. Kjelder: Bjørn Gjerde, Parasittar hos hest, kompendium NVH, 2006. Jacobs DE et al., Veterinary Record, 1995 137:545. Bairden K et al., Veterinary Record, 2001 148:138-141. Meir informasjon Preparatomtale Equest Pramox vet.